Nuthlawi ., Aw Vanlalnuthlawi

NUTHLAWI

Nuthlawi ., Aw Vanlalnuthlawi – Nuthlawi …. Nuthlawi !!?? …. Kan thupui hi han ngaihtuah vang vang teh, a tawngkam reng mai pawh hi heti tehtawl bik atan chuan a pamhmai lua iti ve lo maw? A hming han lam mai pawh hian hnuaihnunna a keng tel a, amah ah hian nuihzatna leh entleuna chi a intuhin, mahni inkil tawihna leithaa chawm a ni zui bawk. Tin, heti hi a ni a Beidawnna lui ah Ti Beidawngtuan Zuamawmna Tui fir ngatin a lo Baptis thin.

            Nuthlawi awmzia – Pasal/Kawplai lo nei tawh thin, chhan engngemaw vanga nei leh ta lo te hi Nuthlawi chu an ni deuh tawl mai (Tar kiringte erawh huam lo vin).

Engah I lo thlawi kher le ? – Hetiang taka mahni insitna in a thuaizal a, rahtha engmah neilo tur hian, engah I lo thlawi kher le ?

An duh bik vang a ni lo – Tunge Nuthlawi nih hlawh chhuah tum rilru ran chunga Pasal nei, belval vala val ve satliah zawng zawngte pawn an han zuam rawn vel mai mai tawh tura kawppui thlang. An thlang bik lo, mahse an chungah a thleng miau si. Engnge a chhan? A chhan a awm a ni mai.

Mizote rilrua Nuthlawite din hmun – A hniam reih rawih hle, kan hre tlang vek. A chhan leh a vang chu engpawh lo ni rawh se, Nuthlawi an nih tawh chuan kan sit a, kan entleu va, kan zuam a engtiang pawhin nung se .. Nuthlawi ania .. tih pah a fiamthu thawh nana hman zui leh tlangval kut za kut thak hnawihna tih vel hi an hlawh chhuah a ni tlangpui. (Uar lua min lo ti deuh em…. Kei chuan thu la khuh mah zawkin zuk in hre cheu ia)

Mizo tena Nuthlawi kan ngaihdan hian thil tha aiin thil thalo a hring – Mi dangte lakah an inkil tawih a, mahni insitna leh indah hniamna in an khat tlangpui. Keizawng ka vanduai tawh a anih tur ang a ni zo tawh tho tho, tuman engah mah min ngai tawh chuang lova, ka mit it zawng pawh thlang thei dinhmunah ka ding tawh chuang lo .. tih rilru put phah leh pawisak neih lohna a hring chhuak fo.  ( Ka risk ngawt lo… ka chiang ani tawp mai) (Mahse Nuthlawi zawng zawng hi an inang vek lo angin, an chunga Mipuite rilru puthmang zawng zawng erawh a inang vek kher lo))

            Chhungrilah an mal ngawih ngawih a, an nihna anga pawm a hrethiama, a duh ngawih ngawih bik vang ni lovin a vanduai palh mai ani zawk tih hmuh pui thiam tu. A nuthlawina ai a kawppui nei lo hmangaih leh ** englo thiang anihna hmuh len sak tu a mamawh. A hmu lo, a ruk takin a bei dawng. I hriat loh khan a mittui a sur fo va. I hriatpui phak loh khan a rum tlawk tlawk a sin. He a vanduaina belhchhah tur zawng hi chuan, I thlir lo hram ang u. (Nuthlawi tih I sawi/ mi sawi ri I hriat rual ruala, I thinlunga thil engemaw lo lang zui nghal zat thin kha, han in chhut chiang teh. An dinhmunah han indah rilru ve chin the….)

Kei nin vanduainaa kan ruat a hmangaih lantir tu – Nuthlawi te hian Special na riau an nei. An exp avangin hrehawm tawrh an chhel bik a, nun fimkhurnachang leh mahni kutkea ding thei tura tawrh chhelna an nei bik  (Sawitur a tam sawi sen pawh ani hek lo). Chu tak erawh chu chawh thawh sak leh hmalak pui tu an mamawh. Heng  vanduaina tawk tute  chunga Krista hmangaihna hlan leh lantir hi ‘Krista” ringtute mawh phurhna………..…. 

  (You can’t change the Whole World., But you can Changes Someone’s World Somewhere….)(The Good Samaritan ……. Go and do like wis,…………..,)

(( Ka thian ngainat em em ……. He dinhmuna lo ding tawh, Pathian khawngaihna leh   tumruhna, beiseina eng nei lui hram hram thin, tuna India Ram State hrang hrang leh Tuipui ral Ram hrang hranga – Dinhmun dik leh Thil ropui in thup LALPAN  a chantir mek zawng zawngte pual leh ‘NUTHLAWI’ din hmuna ding mekte duhsakna takzet nen………))