KAN TLAI A NGE
( Pega Pachuau)
Pi Tliangi.
Rosy .
Khuangrichum-a......
Sangha zuar. Cooker chhe siam............ .
Thil zuar - 2
(Pu Tluangngailova te nupa sitting room ah an lo inzui lut a)
Pu Tluanga : Inrinni tlai leh vawksa rep chhum hi chu a inhmeh rem rem ngawt mai.. (dul zut pahin ha a kher nuap2 a )
Pi Tliangi : Kawmthlang te khu chuan an hmeh chhe leh ngawt ang.
Pu Tluanga : Khuangrichum-... (thu pe aw deuh in )
Khuangrichum-a : Banga… Ka pu..
Pu Tluanga : Chheh chhuh che hian .. Banga a ti leh ta huh e… lo kal vat teh.
(Khuangrichum-a alo pai lut khut2 a)
Khuangrichum-a : Enge ka pu.
Pu Tluanga : Thingpui han lum teh… Thlum lutuk lo, hang lutuk lo, Sa dai deuh, hang thlum dapin han siam ang che….
Khuangrichum-a :Ka pi, nang enge in ve dawn… ( A pi lam a en huh a )
Pi Tliangi : Champange.. vodka, Fu tui…, Hatkora.. kha a la awm em?
Khuangrichum-a :Ka pi, awm ang.
Pi Tliangi : Ka duh lo phawt a (hawi deuh ar pahin, lu a thing nar2 a).. Milk kha ka lo in ang e…
( a chhuak a) (Rosy a lo lut zaw zaw a, a intheh kual vel a)
Rosy : Nu, ka kekawr thui tir ka lam a, a thui nalh tawp ti raw..? Ka backlite velbawr hi a fit fuh tawp. (A mawng a ti poh tawrh tawrh a)
Pu Tluanga : Khaih.. khaih engatinge a va tawiin i va tawt em em ve, a kawngte teh tawh chuuh.. kha kha cheng Sangthum Zanga-in i thui tir a maw….
Rosy : Tun lai style a nih hi… Ka kawr nen hian a inhmeh tawp.
Pu Tluanga : Khatiang te chuan vawih pawh i vawih thei dawm em ni?
Rosy : Vawih thei e….
Pi Tliangi : Mambawih nia.. I vawih zawngin , i mawng bawr vel kha , a puar pep pep mai lo maw….
Rosy : In thing em mai a, in tunlai lo lutuk..
(Raya’n thingpui a lo chawi lut a, hmunphiah a zakzeh tut bawk a, hmun a phiat nghal sut sut a)
Pi Tliangi : (Thinrim deuhin, hmunphiat sut2 lai chu a melh a, a ding uaih a)
Nang pa lah hi, a hun leh hun lo pawh hre lo, Sinus ka vei tih i hre reng a ni lawm ni? Hei ka hnar i ti ping zo vek tawh... Min tihlum tak ngial dawn alawm… chokaah thlawk phei nghal rawh..
Pu Tluanga : Ngawi rawh..ngawi rawh.. ( khuanga-a hui a) Nu-i, vawi eng zat nge i hnar a zat hman….?
Pi Tliangi : HHaaah ciauuuu..Vawi sarih lai maw le..
Pu Tluanga : Hei Khuangrichum .. khatah khan ding la, i khabe leh i hnar dawm vahin, beng pawtin vawi sarih su rawh..
Khuangrichum-a :Ka pu, khabe leh kawng dawm chung chuan, beng ka pawt thei lo…(a ding zum zui a)
Rosy : Aw ti khan su mai rawh, kei pawh vawi hnih ka hnar a za hman, vawi hnih kan bonus ang che, vawi 10 i su ang. (Raya a su lauh lauh a)
(in awm em......)
Pi Tliangi : Awm e.. lo lut rawh u.
Pu Tluanga : Enge in duh tak khup k hup khup a. (chanchinbu bih pahin, a tawng ram hmak a)
Thilzuar (1)- : Riangvai Run-a thawkte kan ni a, Pathian thu ziak tar mawi kan lo zuar a..
Pu Tluanga : Ngawi teh u, kan lei lo mai ang e, tarmawi lam chu kan ngah ve zawng tak a ni tlat mai....
Rosy : Pathian thu ziak lehnghal, khatiang te chu Bible-ah a tam alawm, duh leh kan chepthla ang a, kan lo tar ve mai ang.
(Raya a chhuak zul zul a)
Thilzuar(2) : Ni e, min lak sak ve rawh u, kut kan lo dawh a nih ber hi.
Pu Tluanga : Khaih khaih.. chutiangin kutdawh lehnghal engmah kan chhuhsak ngai lo..
Thilzuar (1)- : Min chhuhsak ru kan ti lo a, min dawr ve hram rawh u, kan tia lawm…
Pi Tliangi : Pa a...Cheng 10 man te chu lei sak ila… a to lem lo bawk a..
Pu Tluanga : A to lem lo a..? Ummmmn.. (A ngawi hmuk a) KAN LEI LO ANG.
Rosy : Kei chu thing ka tih zawng tak, In a ti tawp mai mai.
Thilzuar(2) : Anih leh kan kal ang e, kan lawm lutuk e.
Rosy : Pa.. lal c.c a sawn ka hair style ala rraapthhlaaak.
Pu Tluanga : Naktukah dil let nghaaaal rawh, chutianga mi hair style te lo lak ngawt tur a ni hleinem.
(Chutih laitak chuan, sangha zuar hi thinrim deuh in alo lut a)
Sangha zuar : Hei hi, Tluangngailoa , te in a ni em….
Pu Tluanga : Aw ni e.., kan lei lo mai ang. Vawksa, arsa, bawngsa leh a dang sa chitin reng kan la ngah e. Nilawmni… Khumtea nu..
Pi Tliangi : Varihaw thla-ki ruh pawh a la awm.. (Melh pawh melh lovin, a tawng ram hmak a)
Sangha zuar : Thil zuar turin ka lo kal lo e aw.. pawisa ba thing tur che u-in ka lo kal anih hi.
Pu Tluanga : Pawisa ba a... Min hai a ni lo maw.. Kei hi chu, Contractor Tluangngailoa an tih hi ka nia,.. i pawisa ka bat ka va hre lo em (Hawi deuh vah pah in) Leilung piantirh ata tu pawisa mah hi ka la ba ngailo hrim hrim..
Rosy : Ni e, ka pu, kal mai teh.. min hai a niang, Sangha rim i nam ropui si, i thang vet vet mai.
Sangha zuar : In ba chiang e aw… thawhlehni khan in fapa mawl hmel biang buang deuh khan, “Mikhual kan nei dawn a, ka pa te’n sangha kg 10 va la lawk mai teh an tia” tiin, a lo lak kha.
Pi Tliangi : Chutiang mikhual pawh kan nei lo reng reng.. min hai a nih chu.. Kal mai teh.. kha chhuat i rap bal zo dawn.
Sangha zuar : Min pe dawn lo maw, in ngam ngam ka ngam, Chapo lutuk mai, in chapona laimu kha shhawwm dap khawpin khawnge kan shhhangha chan ang e.
Pu Tluanga : (Tlan chhiat zuk zuk pahin) Khuangrichum-. Rang takin ka laiphir kha rawn la vat teh, helai Thotle hi, kan hnawt ang e… (A nupui leh fanu karah a biru kual zuk zuk a)
Sangha zuar : (Chhuah tauh nghawng nghawng pahin) In la hria ang.
Pu Tluanga : (Kawngka bianga va dah pahin) Nia i sangha man kan bat lohzia chu kan la hria ang…
Pi Tliangi : Mambawih khawmaw Fashion Channel kha han hmetchhuak teh, in tunlai lo lutuk eee te min ti mai mai a, i pa nen hian kan lo thlir ang e, Kei chu kawmthlangnu ang maia tunlai loh lutuk khu a nia ka hlauh ni.
Rosy : Ngawi rawh nuuu, kan Kohhranin Tawngtai Camping an tia mawni !! a buatsaih a, nikhatah vawi khat tal Biak Inah camping tur tih order a chhuah an ti a nia. Zuk lut ve chhin ila, a lo nuam viau mai thei asin.
Pu Tluanga : Khaih khaih khaih bawihte.. bawihte, chutianga Biak Ina lut duk duk tur khawpin tlakchham kan neih loh hi maw…. Khaw’maw, Mambawih ka hnung thak hi han hiat teh (kawr a hlim sut sut a, a dak fan duar2 a, Rosy-in a hiat a)
(Vai thilsiam alo lang a)
Vai : Cooker cia awm em.. peikok, ni liap, vaibelsia, hmel sia pawh siam thei
Pu tluanga : Khaih3 chutiang thil chhia kan nei lo, kan paih a,athar kan lei zel..
Vai :Ka pu nangman a cia 2/1 cu nei lom, lo kal...
Pi Tliangi :Ava ninawm jit jet e,kalteh TEL TAK rim i nam.
Rosy :Ngawi rawh ni chin khan eng chhia mo om itih kha...
Vai :Ka pu mole..hmai chu hmel cia lom, Dul poh ciah puam mi ooo.. athalo mole ciahpuam cu, keimah siam tha bek ang mo le .. lokal ni kha...
Pu tluanga :Kal vat teh,ka profight hma che hian(zaizir in)
Vai :Ka pi nangma backlite poh atha lutukin siam thei laaaawm..(tlan chhuah pah in)
(Chutih lai tak chuan thawm a lo awm a)
Thawm : Khaih khaih lo ngaithla khiauuuu rawh u)
Pu Tluanga : Mami TV kha off teh, thil pawimawh an puang dawn niang.
Rosy : Retailer-ah buhfai a awm a, naktuuuuk......
Thawm : Buhfai lampang… a ni lo aaaahh… (A reh vung vung a, an phawk hra tawh a) Zaaan inah hian Pathian a lo kal dawn a…. Mitin an thiltih ang zela rel sak an ni ang… Chhungtin te lo inpeih theuh turin hriattir in ni e…)
Pu Tluanga : Eeeee, chu Pathian a lokal dawn anih chu, hetiang ngawt te chuan Pathian kan tawk ve ngam dawn em niang… ( A hawi kual ruai ruai a)
Pi Tliangi : Mami Khawnge Bible hi a awm, ka lo chhiar vat teh ang.
Rosy : Kudam-ah a awm daih, i chang vawnsa sawi chhuak mai rawh.
Pu Tluanga : Ni e, a tha tak ang, ….nau pang te u..LALPA ah
chuan...( a sawi lauh lauh a)
Thawm : Khaihh khaiih khaiih…., Ka lo puan hmaih tep..
Rosy : Chu chu chu.. bengchheng su.. a puang leh dawn… (Ngaithla tha ngam lovin benghup chungin a ngaithla a)
Thawm : He thu puangtu hi..Vantirhkoh pawh ka ni mai thei….
Pu Tluanga : Heti ngawt chuan a dik lo ang, eng emaw kan tih thuai a ngai a ni… Aww hun tha kan neih laia, Pathian lam kan lo hawi lo kha a va pawi em…
Thawm : Hun tlem te in la nei. in tlai ange…Hmanhmawh....,in in tlai a nge ee (thangkhawk)
(An inkuah khawma, bang lam an nek chawn chawn a)
Pi Tliangi : (Hmanhmawh takin a hui sawk sawk a) Hawh u, hawh u… i tawngtai thuai ang u.Khuangrichum-lokal vat rawh kan tawngtai dawn...(alo tlan truang2 a)
Pu Tluanga : Ni e, tawngtai thuai ang, Khawnge Mama pawh hi le.. (A ding uaih a)
Rosy : Ka pa, ding chungte chuan a chi loh ang, thingthi zawk ang u.(an thingthi a)
Pi Tliangi : (Thawven hmel takin a lo dak chhuak a) Tunah chuan, ka zang ta huai mai.
Rosy : Pathian chu a lo va kal har leh si em em.. AW… LOKAL TA CHE...LALPA ISU…(Van lam hawiin kut phar meuhvin a au ti tih a)
Thawm : Nichina kan thu lo puan kha , puan sual palh ani e.....
Pi Tliangi : Chu Vantirhkoh chu ava’n ti ho mai mai e…. (Hrilhhai hmel zetin, a hawi hau a)
Pu Tluanga : E.. ti ho lul lo e, fiahna a nih kha fiah na, Pathian lam reng ngaihsak lovin kan lo muang sual tep anih hi.... Engpawh tawk ila, Tlai mawlh hi kan hlau hle tur a ni. I hmanhmawh teh ang u.... , kan tlai ange. (An chhuak ta sawk sawk a)
A tawp ta
... pegaPachuau
No comments:
Post a Comment