BIBLE MAMAWH CHHANNA (Topical Concordance) Then Khatna

    Thuhmahruai –

   LALPA ka lawm e

 Kum 2003  kum tawp lam, mission vengthlangah harhna mei a lo det tirh khan,  chutih lai a  kan speaker ber               Upa H lalhmangaihzuala(Speaker Lalpa Maicham Team) hian,    Pu Pasena Sailo buatsaih, ‘Bible Thurotling’ tih  lehkhabu hlu tak mai min pe a.  Ka tangkai pui mai ni lovin, mizo tawnga kan la neih ve chiah loh ‘Topical Concordance’  changtlung leh Theology lam luhchilh ve lemlo te tan pawha tangkai lehzual thei tur buatsaih ve duh na min neih tir ta hial a. Phak leh theih tawk tlem hle mahse, in sit rilru tak chungin, ka lo buatsaih veta rawih a ni. 

A bu chhung hi hlawm thum a then ani a, Bible Mamawh Chhanna / Nun Mamawh Chhanna / Chhandamna zawng mek tute harsatna leh anzawhna tlangpui leh Biblein a chhanna tihte a then hran ani.

               Thurawn hlu tak tak min pe thin tu - Rev Dr Lalsawma, Rev R Lianbuanga, Rev Lalrinkima , Rev Lianhminhthanga te leh sum leh pai sang tamtak senga min tanpui reng tu Pi Lalhmunliani ( Asst Manager MULCO) te chungah lawmthu ka sawi tak zet. 

                 

            A famkim lovin a phuailuai deuh mai thei e. Mahse ka tlin ve tawk a ni miau mai si a. Thurawn tha tak tak min pe thin tute zar ah, a dawtleh ah chuan hei aia changtlung leh huam zau zawka buatsaih anih ngei tawh ka beisei.  He lehkhabu hi a hmangtu zawng zawng te tan malsawmna ni se tih hi ka duhsakna leh tawngtaina a ni e.

               He lehkhabu hi, hmangaihna dai lova min enkawltu ka nu leh pate  hriat reng nan ka  hlan.

 LALZUILIANA – 1926 – 21(Monday)  January 1991 leh   LIANI 1936 –25 (Tues day) December 2007

                 

Vanlalpeka Pachuau

                                                 

 1.                                                                          BIBLE ( PATHIAN THU ) :

                Pathian Thu -

* Pathian chu a thu ah a awm -  Atirin Thu a awm, Thu chu Pathian hnenah a awm, Thu chu Pathian a ni. (Johana1;1)   

* Bible(Pathian Thu)  hi Pathian thawk khum a ni - Pathian Lehkha Thu zawng zawng hi Pathian thawk khuma pek ani a, zirtir kawngah te, thiam loh chantir kawngah te, felna zirtir kawngah te a sawt bawk ani. (2 Tim 3:16)

* Bible (Pathian Thu) hi Pathianin a mi te hnena a sawi ngei a ni – Lalpa thlarau chuan keimah mi hmangin a sawi a : A thu chu ka leiah a awm a. (2Samuel 23:2)

> Thu hrilh lawk reng reng hi mihring thua chhuak a ni ngai si lo a, Thlarau Thianghlim tirhin Pathian hnen ata an sawi zawk thin a ni. (2Petera 1:21)

 BIBLE kan chhiar a, a zirtirnate kan zawm a tul -

                                                                             

                   a) Nunna a tan.

* Nimahsela ani chuan, “Mihring hi chhang chauhvin an nung lo vang a, Pathian kaa thu tin chhuakin an nung zawk ang, tih ziak a ni,” a ti a. (Mathaia 4:4 / Deuteronomy 8:3)

*Pathian Lehkha (Thu) in chhiar ngun thin, a chhungah chatuan nunna awmin in rin avangin: chung Lehkha chu ka

chanchin hriattirtu chu a ni si a. Nimahsela nunna nei turin ka hnenah in lo kal duh si lo.(Johana 5:39f)

*Pathian thu hi a nung a, thil a ti thei a, khandaih hriam tawn eng ang ai pawhin a hriam a, nunna leh thlarau ruh tuah leh  thling phel hrang  khawp hial in a chhun thei a, thinlunga ngaihtuah leh tumte hi a hre nghal thei a ni.(Hebrai 4:12)

b) Thlarau thanlen nan.

*Tin, heng thu , vawiina ka pek che u hi in thinlungah a cham reng ang a, in fate thahnemngai takin in zirtir ang a, in ina in thut lai te, kawnga in kal lai te, in mut lai te, in thawh hun tein in sawi thin tur a ni.(Deuteronomy 6:6-7)

* I thu hi ka ke atante hian khawnvar a ni a, Ka kawng atan eng a ni. (Sam 119:105)

               

*A hun ngaihtuah zawngin zirtirtu ni tawh hial awm in ni na a, Pathian thu bul ber A Aw B te chu zirtir in ngai leh ta a, che rum ni lova  hnute la ngai mi ang in lo nih tak hi. Hnute ring a piang chuan fel-na thu ah hian hriatna an nei si lo, nausen an nih a vangin. Chaw rum erawh chu puitling te tan a ni, chungte chuan an hman fo a vangin chhia leh tha fiah turin an hriat theihnate chu an sawi zawi tawh. ( Hebrai 5:12-14)

* Nausen piang tharte angin a thlarau lam hnute, engmah pawlh loh chu chak rawh u, chu miah chuan chhandamna tling khawpa in than len theih nan. (1 Petera 2:2)

c) Sual laka him nan.

* I chunga thil ka tihsual loh nan i thu chu ka thinlungah ka khawl khawm a.( Sam 119:11)

* Tleirawlin engtin nhe a awm dan a tihthianghlim theih ang? I thu ang zela a awm dan veng thain. (Sam 119:10)

* Ka ke pente hi I thu-ah ti nghet la; Sualna chungah thu neihtir suh ang che. (Sam 119:133)

* Ka thu pawm apiangte erawh chu him takin an awm ang a, Thil thalo hlau lo vin an awm hle hle ang. (Thufingte 1:33)

* Nimahsela thu ngaithlatute mai ni lovin zawmtute lo ni zawk rawh u, chutilochu mahni inbum in lo ni dah a nge.(Jakoba1:22)

 d) Hriselna leh dam nan.

* “LALPA I Pathian aw hi ngun taka i ngaihthlak a, a mit hmuh a tha a tih zawngte i tih a, a thu pekte i ngaihsan a, a thu ruat zawng zawng te i pawm chuan Aigupta mite chunga hri ka len tir tak angte kha i chungah reng reng ka len tir ve lovang; kei LALPA a tidam tu che ka nih hi,” a ti a.. (Exodus 15:26)

* A thu chu a tir chhuak a, anni chu a tidam thin a, An boralna tur atate chu a chhanhim thin.

(Sam 107:20)

               

                 e) Hmuingil nan .

* He dan bu hian i ka chu chhuahsan hlek suh se ; chu mi thu ziak zawng zawng chu i zawm tlat theih nan chhun leh zan i ngaihtuah zawk tur a ni :  ti chuan i kawngte chu i lo titluang zel ang a, i lo hmuingil zel dawn nia. ( Josua 1:8)

* Mi suaksualte remruat anga awm ngai lo va, Mi sualte kawng pawha ding ngai lo va, Hmusit tute thutphah pawha thu ngailo mi chu, a eng a thawl e. A lawmman chu LALPA danah a ni zawk a; A dan thu chu a chhun a zan in a ngaihtuah thin. Ani chu tuiluang kianga thing phun , A hun te a rah thin, A hnah pawh uai ngailo ang hi a ni a; A thiltih a piang chu a hmuingil zel ang.

(Sam 1:1-3)

*Ani erawh chuan, “A ni, nimahsela Pathian thu hriaa zawmte hi mi hamtha an ni zawk e,” a ti a.(Luka 11 :28)

f) Thianghlim nan.

* I thu hi a thianghlim em em a ni ; Chuvangin i chhiahhlawh hian a ngaina a ni. (Sam 119:140)

* In hnena ka thusawi avang chuan tunah pawh in thianghlim tawh pang a ni. (Johana 15:3)

               

* Anni chu thutakin tithianghlim rawh, i thu chu chu thutak a ni. (Johana 17:17)

               

g) Thlemna hneh nan.

* Nimahsela ani chuan, “Mihring hi chhang chauhvin an nung lo vang a, Pathian kaa thu tin chhuakin an nung zawk ang, tih ziak a ni,” a ti a. (Mathaia 4:4 / Deuteronomy 8:3)

* I chunga thil ka tihsual loh nan I thu  chu ka thinlungah ka khawl khawm a. (Sam 119:11)

                * Chutichuan, mi sawi chhetu chhanna tur ka nei ang ; I thu ka ring si a. (Sam 119:42)

                h) Harhna atan.

* Nasa taka tihhrehawmin ka awm a : Aw LALPA i thu ang zelin mi tiharh ang che. (Sam 119:107)

* Ka nunna hi vaivutah a bet tlat a : I thu ang zelin mi tiharh ang che. (Sam 119:25)

                * Chu chu ka hrehawmnaah pawh ka thlamuanna a ni : I thu chuan mi tiharh ta si a. (Sam 119:50)

               

*I thute chu tihlan a ni a, ka ei a,I thute chu ka tan lawmna leh ka thilnlung hlimnaa ni; Aw LALPA, Sipaihote Pathian, i hming kan pu ta si a. (Jeremia 15:16)

               

Pathian Thu thiltihtheihna

*A thu chu a tir chhuak a, anni chu a tidam thin a, An boralna tur atate chu a chhandam thin. (Sam 107 :20)

* I thu hriattirte chu amak a ni ; Chuvangin ka nunna hian a vawng tha thin. I thu hrilhfiah hian mite a ti eng a ; Mi mawlte chu a hriat thiamtir thin. (Sam 119:129-130)

*  LALPA lehkhabuah zawng ula, chhiar rawh u:  chung zingah chuan pakhat mah kim lo a awm lo vang a, pakhat mah kawppui nei lo a awm lo vang: ka ka ngeiin thu a pe a, ka thlarau ngeiin chung chu a hruai khawm ta hlawm si a.( Isaia 34:16)

*Hlobet chu a vuai a, a par chu a chuai thin: kan Pathian thu erawh chu chatuanin a awm reng ang,’ tiin,” a ti a. (Isaia 40:8)

*Chutiang bawkin ka ka atanga ka thu chhuak chu a awm ang: engmah tih neilovin ka hnenah a kir leh lo vang a, ka duh ang chu a ti zo zawk ang a……(Isaia 55:11)

*Ka thu chu mei ang, tuboh lung chhutsawmna ang a nilo vem ni ? tih hi LALPA thu chhuak ani.(Jeremia23:29)

*Chuvangin an hnenah chuan, Lalpa PATHIAN chuan heti hian a ti a ni : “ Ka thu engmah hi khek a ni lo vang a, ka thu sawi a piang chu hlenin a awm zel zawk ang,” tih hi Lalpa PATHIAN thu chhuak a ni tiin hrilh rawh,” a ti a.(Ezekiela 12:28)

*Lei leh van a ral anga, ka thu erawh chu a ral lo vang. (Mat 24:35)

*Pathian thu chhuak reng reng  thil tithei lovin a awm lovang,” a ti a.(Luka 1:37)

*Tupawh keimah leh ka thu zah pui a piang, Mihring Fapa hian ama ropuina nen, a Pa ropuina nen, a vantirhkoh thianghlimte ropuina nen a lo kal hunah chuan chu mi chu a rawn zah pui ang.(Luka 9:26)

*Pathian Lehkha Thu zawng zawng hi Pathian thawk khuma pek ani a, zirtir kawngah te, thiam loh chantir kawngah te, felna zirtir kawngah te a sawt bawk ani. ( 2 Tim 3:16)

(2becont...)