Chhiarla i duh angin thuoui chu lo vuah mai teh

Chhiar duh suh, chhungrilah I zak chem chem ang.

( I mitthlaa lo lang zut zut khan, a nghawng na dawn the che ania)

Pa pakhat hi kawng kam lung pawngah hian lungngaih hmel zet hian alo thu ngui lap mai a, ralkhat atang reng pawhin delhrittu lian tak anei tih a hriat theih. Patling a pumpa chutia arpui awp lai pul hri vei ang hrima a’n lo thu kun lup mai chu mak ka ti deuh. A bulhnai ka thlen chuan kan tawngkam hnih khat zauh nghe nghe a.

A lu a kun reng, khawvel eng a hmu ngam lo. A hmelah chuan, zah na, inchhirna, hrehawm tihna leh harhfim lo hmel a lang chuai a. He ti hian alo tawng chhuak a, “ He tia lungngai taka ka thut chhan chu, ka hun kal tawh te ka thlir kir aaa…Ka inchhir em a ni ”.  “ Kei chuan, chungte chu hunkal tawh ania, a lo kirin siam that thaeih ani tawh lul si lo  a…” Lungngaia chuan “ Chu tak chuan alawm ka tun hunah hian min tih lungngaih ngawih ngawih ni…” Kei chuan “Ani khawp mai ti rawh… mahse ‘Tun Hun Hi’ hmangtha turin kan in sangmar dawn lawmni?”

 Kun ngawih ngawih chung leh aw khur seh chilh nawk nawk hian, heti hian min chhang leh ta a. “ Ka Pu kei zawng mi tawp ka ni tawh e, min kalsan la, he lungngaihna chirhdupa pil mek a chanchin hi va puang darh nang che… ‘ Ka hun liam tawh te khan , tun hunah hian min ti lungngai a, tun hun atanga  hmalam kan thlir hian, hun lola kal tur atan min ti beidawng em ani . Ka Pu hetiang tur bik reng hian emni Siamtu hian, ka Nu chhul atanga min la chhuaka, he ka thutna lungpui aia rit zawk, hmuh theih loh khawih theih hek loh. ‘NUN PHURRIT’  phur tur hian min lo duang bik emni leee.. !!!”   a lo ti zuai raih a.

Tin, heti hi ani a, khawngaihna leh amaha beiseina sang tak nei chunga ka en tlawk tlawk lai chuan. A lo dak chhuak a, a hmelah chuan danglamna engemaw a thleng ngei ani tih ka hai lo. Lungngaihna beidawnna leh mahni in huat ngawih ngawih na ka atang chuan, thumak ka sawi nin theih loh chu a lo ri chhuak ta sep sep a. “ Ka Pu he lungpui nen hian kan in zawm tih theih khawpin hun tam kum tam liam ta atangkhan ka lo thu tawh. Mi chi hrang leh ze tinrengin min kal pelin…… Kei bengngawng lo nafam chuan, ‘An tawngkam chhuak, Hmangaih thu vawite khat pawh ka la dawng lo. ‘ Hnawk sak, thatchhia, khawlai titawp, amak rouh lutuk, kei chu ka hlau deuh rouh….’ Tih hlir mai lo chu ka beng hian ri hriat anei ngai lo. Mahse nang ilo kal a…. Heti hi a nita a. He ka thutna lungpui chunga ding meuh hian… ka thlir ngam loh leh hmelma ena ka en Khawvel hi kan thlir teh ang… “ A ding uaih a….