Pu Ruma Good Friday ti ti :

Pu Ruma Good Friday ti ti :

(Ktlangau 1982)

                December , 1980 kum kha Pathian thu awih hming ziak naa ka hming ka ziah luh ve kum ni a.

Masi hman nawn nana ka Sepa chal thawh kum anih bakah Mualkawi Ram kan bawh kum a nih kha. Ka Kutfarai Dei hman hmasakber kum ani bawk a, a ngihna ka hrelo mep mep khawp ah , engtin tak’ kut chu farai dei ang maw? Isua thihni alo ni bawk nen??

…… Ka lo pawng nghahhglelh ve em em ringawt a. Engtintak Kutfarai Dei chu lo thleng ang i maw….

                Zirtawpi zingah kher chuan kanin kan nu , Tuaki khan thlaichi  thlaka feh a tum mauh mai a.  Kan khap ngial pawn kanin khap zo ta lo. “Isua thihni a vaimim tih hi a kawm, a tha duh anti, ala tita  deu deu

 a”. Pathian ringlo tute vaimimin kawm hnih a neih a , Ringtu zawkten kawm khat chiah  kan thar te chuan , zah thlak dawn deuh asin” min ti vin hlur mai a. Feh tur chuan a chhuak taut a nghawng nghawng thova.

                Kei chuan sekhen han kawt chuar tep tawp leh phaipuan kekawr ngat leh savun pheikhawk tle ver vawr nen Biakin lam chu ka pan veta ngauh2 a, engtintak KUTFARAI DEI ANBG MAW?

                Biaki in kan thleng chuleh, “Enteh kalvari a thleng tak ngial dawn….” Tiin pawnpui saw rang tluk tlukin a lo zai a. Thenkhat kha chu Kalvari a thlen tak tak hlauvin an tap per pur hlawmin ka hria. Pulpitah chuan Mizo Pawn Dum an lo zar khup mai a, Dawhkanah lah chuan eng emawni hi an khuh var glun bawk a. Pasitawrin Isua tuarna thu an sawi meuh chu , A tlawr ngang aniang Nu ho hi an in sut tluar tluar a, Pasitawr ber pawh mittui nen hnaptui nen ative per pur mai.

                Thu sawi zawh chuan, Sakramen ngeimai chu an theh ta. Upa Kawla chuan a rawn sem phei thloh thloh a, sem kan hi a nei leh zoh thin roh nghe nghe a.Min semkan ve ang tih hlau lutuk chuan, a inrinloh lain kan ban sak thut mai  a. ani lah chuan ka kutah min hmer sak pah hian, : Dan chhungah ila awm ve lo,I chang ve thei lo” min ti ram hmuk ta mai, ava hrilhhai thlak duh tehreng e aw……

                Zan lam chu Thuhriltu tur pawh Lawr Pasi ngat (Lower Primarty) ani a, a sawi thiam ngei mai. A sawi zawng te hian Kalvari tlang te hi a lang uaih uaih mai a,. Chutia rinnaa Kalvari tlang kan lam hual tluk tluk lai chuan leh, Kan nu Tuaki ngeimai lam sawuh sawuh chu kava hmu tap hut mai,. A ni pui rouh an lam vet a hial chu Kut Farai Dei chu nawn ngei tlakah kangai ta hmiah mai a.

                Kut Farai Deiah uain leh chhang ka chan ve an han phallo khanglang ne, Dan chhunga kuh ve zai chu kan rel ta a. Vanneih thlak takin Upa Kawlan min zawt lo hlauh, Upa dangin min zawt ta mial a. “Pu Rum, enge Dan chhunga luh I chak chhan” min han ti dam duam mai a. “Kut Faraideia sakramen min chhuhsak leh kha chu thu hran, Min hriatrengnan heihi ti thin rawh u a tin a na na, rilrua hriat reng ngawt chu ka duhtawk lo, ataka chan ve ngei ka duh ani” Ka ti a. Tuaki chu an han zawt vet a ,” Lut lo rual ka ni lo kan pa reng hian a sawi ngun mai, a minawm zozai tawh” an ti hmuah mai thung a. Tichuan, kan pahnih chuan Dan chhungah chuan min lawm lut ve ta a.